Zomi sungah khangthak Gopsel lasa siam Tg. Thangta (Zomi Idol 2008) in " NANG KA ZAILA" cih Gospel Album DVD thak abawl kik pen December 2012 sungin hawmkhia ta ding cih kiza hi. Gam sung gampua a kingahna ding munte : US gambup ah Lia Kiimpi (Family Gospel) tungtawn in kihawmkhia ding; Yangon khuapi ah CLC, GBC Yangon, Yangon EBC, Full Gospel Assembly, Maldalay biakinn tuamtuam, Malaysia EBC biakinn, Singapore ZIS, Kawlpi-Sia Pauvom (ZOMUS); Tedim khuapi Khuisai khempeuh ah kingah thei ding cih thu Tg. Thangta (Zomi Idol 2008) in Tongsan Media te zasak hi.
Hih Album piankhiatna ding apanpih (Sponsor)te in Pasian nasepna takpi tawh apanpih uh ahih manin, a min pulakkhiat ding deihlo (kisamsa lo) cih thu Tg. Thangta in genbeh hi. Tua banah hih Album sungah Sia Stephen Mang (Stephen Vocal Band), Lia Niangpi (Zomi Idol 2010) le Tg. Kamsen te zong lasakpih in kihel uh cih kiza hi.
" Nang Ka Zaila " Album ettheih / muhtheih dingin Youtube Link tomno tawh hong kikhahkhia hi. Zomi akua maciat in thapiak ciat ding lunggulhna tawh Tongsan Media pan hong kitangko ahi hi. Ref:Tongsan
0 comments:
Post a Comment