Itna Vanglian Hi

Nung July 2012 sung mahmah a Tongsan Media pan hong kitangko khia ahi Stephen Vocal Band te' bawl " Itna Vanglian Hi " cih Album thak pen abeisa khakhat lai akipan in USA gam sung tengah CD le DVD tawh kihawmkhia khin a, asawt lo mahin Zomite teenna leitung gam tuamtuam ah hawmkhia ta ding cih Stephen Mang in Tongsan Media te tungah zasak hi. A kingah theihna ding munte zong agamgam ah mi muan huaite tungtawn in kilei/ kizomthei dinga, amaute' Address zong a sawt loin, Tongsan Media Group panin hong kitangko kik ding hi.

Hih " Itna Vanglian Hi" DVD Album sungah aki-nawlkhin thei ngeilo ahi " TEDIM" cih Zomite' khuapi itna le pahtawina tawh kiphuah ngiat Dawng khat pen mipite' ngaihtheih / ettheih dingin Youtube pan malep hong kikhah khia hi. Tua Youtube a dawg khat cih simloh adiakdiak in US gam sung pan a lei khinsate in Youtube / Online ah i khahkhiatsak hetlohna dingin Stephen Vocal Band te in Tongsan Media Group tungtawn in khamna nasiatak hong tangko khia uh hi.

Stephen Vocal Band te Album thak DVD thapia nuamte le theihbehnop a neite in Sia Stephen Mang, Tel: 001-9189556868, USA, Email: stephenmang@gmail.com, tongsan@zomi.org te ah kizomthei ding cih kiza hi. Zogam thak " TEDIM" khuapi cih la anuai a Link pan kingai/ kimu thei ding hi.